وەزیری كشتوكاڵی هەرێم رایدەگەیەنێت، لەپێناو بەرژەوەندی و سوودی گشتیی جوتیاران و چارەسەركردنی كێشەی بە بازاڕكردنی بەرهەمێكی زۆری (تەماتە)ی خۆماڵی جوتیارانی شارەكانی ناوەراست و خوارووی عێراق و پاڵپشت بە هەماهەنگییەكانی نێوان هەرێم و بەغداد هاوردەكردنی تەماتە لە دەرەوەی وڵاتەوە قەدەغەدەكرێت.
بێگەرد تاڵەبانی وەزیری كشتوكاڵی هەرێم رایگەیاند، لەپێناو بەرژەوەندی و سوودی گشتیی جوتیاران و چارەسەركردنی كێشەی بە بازاڕكردنی بەرهەمێكی زۆری (تەماتە)ی خۆماڵی جوتیارانی شارەكانی ناوەڕاست و خوارووی عێراق، وەك چۆن ئەوان لە ماوەی ساڵی رابردوو، بڕیاریاندا بە قەدەغەكردنی هاوردەی بەرهەمی تەماتە لە وەرزی پێگەیشتنی بەرهەمی جوتیارانی ناوچەی پێنجوێن و حاجی ئۆمەران، ئێمەش لەپێناو درێژەدان بەو نەریتی هەماهەنگی و پێكەوە كاركردنە و كردنەوەی بازاڕەكانی ناوخۆی هەرێمی كوردستان بە رووی بەرهەمی ناوخۆیی جوتیارانی ناوەڕاست و خوارووی عێراق، بڕیارماندا هاوردەكردنی تەماتە قەدەغە بكەین”.
دەشڵێت، “بڕیاری قەدەغەكردنی هاوردەی بەرهەمی تەماتە لە دەرەوەی وڵاتەوە لە ئەمڕۆ یەكشەممەوە تا كاتێكی نادیار جێبەجێدەكرێت”.
