دوای یەکلایکردنەوەی تانەکان لەلایەن دادگاوە، کۆمسیۆنی باڵای سەربەخۆی هەڵبژاردنەکانی عێراق ئەنجامی هەڵبژاردنی پارێزگاکانی پەسەندکرد.
پێشتر عەلی فەیسەل، ئەمینداری گشتیی ئەنجومەنی کۆمسیاران رایگەیاندبوو، “249 تانەمان بۆ دەستەی دادوەری هەڵبژاردنەکان ناردووە لە کۆی 329 تانە”.
کۆمسیۆنی باڵای سەربەخۆی هەڵبژاردنەکان کاری پێداچوونەوەی بۆ سەرجەم تانەکان ئەنجامدا و دواتر رەوانەی دەستەی دادوەری هەڵبژاردنەکانی کرد کە تێیدا بە شێوەیەکی یاسای کار لەسەر ئەو تانانە کرا.
كاتژمێر 7:00ی بەیانیی 16ی کانوونی یەکەمی 2023 بە دەنگدانی تایبەت، هەڵبژاردنی ئەنجومەنی پارێزگاكانی عێراق لە سەرجەم پارێزگاكان دەستیپێكرد و شەوی 28ی هەمان مانگ کۆمسیۆن ئەنجامەکانی راگەیاند.
