ئەمڕۆ لەسەر رێگای عەربەت – سلێمانی رووداوێکی هاتوچۆ روویدا و بەهۆیەوە ژمارەیەک سەرنشین برینداربوون.
بەڕێوەبەرایەتیی هاتوچۆی سلێمانی بڵاویکردەوە، ئەمڕۆ لەسەر رێگای سەرەکی نێوان عەربەت – سلێمانی بە ئاراستەی عەربەت رووداوێکی هاتوچۆ لە نێوان دوو ئۆتۆمبێل لە جۆرەکانی بارهەڵگر و ئۆتۆمبێلێکی نیسان سەنی روویدا.
ئاماژەی بەوەشکرد، بە پێی کەشف و هێڵکاری شوێنی رووداوەکە دەرکەوتووە هۆکاری سەرەکی رووداوەکە خێرایی زۆر و بەجێنەهێشتی ماوەی سەلامەتی نیوان ئۆتۆمبێلەکان بووە.
ئاشکراشیکرد، رووداوەکە جگە لەوەی برینداری لێکەوتەوە، زیانێکی ماددی زۆریشی بەدواوە بوو.
