لەسەر رێگای کەلار- دەروازەی پەروێزخان بەهۆی پێکدادانی دوو ئۆتۆمبێلەوە حەوت کەس برینداربوون.
بەڕێوەبەرایەتیی هاتوچۆی گەرمیان بڵاویکردەوە، ئەمڕۆ شەمە دوو ئۆتۆمبێلی جۆری تۆیۆتا مینی پاس – کیا بارهەڵگر، لەسەر رێگای کەلار- دەروازەی نێودەوڵەتیی پەروێزخان پێکیاندادا، بەهۆیەوە هەر دوو شۆفێرەکە و پێنج سەرنشین برینداربوون.
ئاماژە بەوەش دەکات، بریندارەکان گواسترانەوە بۆ نەخۆشخانەی فریاکەوتنی شەهید هەژار لە کەلار، تیمی هاتوچۆ لێکۆڵینەوەیان لە رووداوەکە دەستپێکردووە .
