فڕۆكەخانەی نێودەوڵەتیی هەولێر دەنگۆی داخستنی فڕۆكەخانەكە رەتدەكاتەوە و رایدەگەیەنێت، “گەشتەكانی هاتن و چوون بەردەوامە.
بەپێی راگەیەندراوێكی فڕۆكەخانەی نێودەوڵەتیی هەولێر كە وێنەیەكی دەست تۆڕی میدیایی ئێستا كەوتووە و تێیدا هاتووە و گەشتیارانی ئاگاداركردووەتەوە كە گەشتەكانی هاتن و چوون لە فڕۆكەخانەكە بەردەوامە.
هەر لە راگەیەندراوەكەدا هاتووە، فڕۆكەخانەی نێودەوڵەتیی هەولێر دەنگۆی داخستنی فڕۆكەخانەكەشی رەتكردووەتەوە كە لە هەندێك دەزگای راگەیاندن بڵاوكراوەتەوە و بەهۆی هێرشی فڕۆكەی بێفڕۆكەوانەوە و ئاماژەی بەوە كردووە كە سەرلەبەری ئەم هەواڵانە ناڕاست و بێ بنەمان و گەشتەكانیش بەشێوەیەكی ئاسایی بەڕێوەدەچن.
