وەزیری دەرەوەی عێراق رایدەگەیەنێت، هەولێر و بەغداد رێككەوتنێكیان لەبارەی هەناردەكردنەوەی نەوتەوە واژووكردووە و دەشڵێت، “هیچ گرفتێك لە بۆریی نەوت و بەندەری جەیهاندا نەماوە”.
فوئاد حسێن وەزیری دەرەوەی عێراق لە لێدوانێكیدا رایگەیاند، بۆ دەستپێكردنەوەی هەناردەی نەوت كێشە لە نێوان هەولێر و بەغداد دا هەیە و دوو رۆژ لەمەوبەر رێككەوتنێك لەبارەی چۆنییەتی مامەڵەكردن لەگەڵ دۆسیەی نەوت و كێشەكان لە نێوان حكومەتی عێراق و حكومەتی هەرێم واژووكراوە.
راشیگەیاند، بۆریی نەوت لە لایەن توركیاوە كراوەتەوە و هیوادارم لە ئاییندەیەكی نزیكدا هەناردەی نەوتی هەرێمی كوردستان دەستپێبكەینەوە.
