بەگوێرەی پێشبینییەکانی کەشناسی، چەند رۆژی داهاتوو تا رۆژی یەکشەممە، کەشوهەوا سەقامگیر دەبێت و لە نێوان ساماڵ و پەڵەهەوردا دەبێت، بەڵام رۆژی یەکشەممە پێشبینی بارانبارین دەکرێت.
بەڕێوەبەرایەتی گشتی کەشناسی هەرێم پێشبینییەکانی کەشوهەوای ئەمڕۆ و سبەی بڵاوکردەوە و دەڵێت هەردوو رۆژەکە ئاسمان لە نێوان پەڵەهەور و نیمچەهەوردا دەبێت.
دەستەی کەشناسی عێراق، کە پێشبینی کەشوهەوای چوار رۆژ بڵاودەکاتەوە، رایگەیاندووە چەند رۆژی داهاتوو تا رۆژی یەکشەممە کەشوهەوا لەناوچەکانی هەرێم لە نێوان ساماڵ و پەڵە هەور و نیمچە هەوردا دەبێت، بەڵام رۆژی یەکشەممە لە شەودا باران دەبارێت لەناوچەکانی هەرێمی کوردستان.
