سەبارەت بە کێشەی مووچەی مووچەخۆرانی هەرێم، ئەندامێکی لیژنەی دارایی ئەنجومەنی نوێنەرانی عێراق رایگەیاند، “حکومەتی عێراق بابەتی مووچە لە هەرێم چارەسەر دەکات و رێکاری یاسای دەگرێتەبەر لەو بارەیەوە”.
فەیسەڵ نائلی، ئەندامی لیژنەی دارایی ئەنجومەنی نوێنەرانی عێراق لە لێدوانێکیدا ئاماژەی بەوە کرد، “بودجەی ساڵی رابردوو روون بوو سەبارەت بە پشک و مووچەی فەرمانبەرانی هەرێم بەوەی کە لە حاڵەتی دواکەوتنی شایستە داراییەکانی هەر پارێزگایەک ئەو پارێزگایە دەتوانێت داوا بکات پارەی بۆ رەوانە بکرێت”.
دەشڵێت، “حکومەتی فیدراڵ پرسی مووچەی هەرێم چارەسەر دەکات و رێوشوێنی یاسایی گونجاو لەو بارەیەوە دەگرێتەبەر”.
