وتەبێژی سەرۆكایەتیی هەرێمی كوردستان رایدەگەیەنێت، هەرێمی كوردستان لە رابردوو و ئێستا و داهاتوو نابێتە هەڕەشە بۆ سەر هیچ وڵاتێكی دراوسێ و پێویستە عێراق پارێزگاری لەسەروەریی خاكی عێراق بكات.
دڵشاد شەهاب وتەبێژی سەرۆكایەتیی هەرێمی كوردستان لە لێدوانێكیدا رایگەیاند، هەموو نوێنەرایەتیی وڵاتان كە لە هەرێمن دەزانن كە لە رابردوو و ئێستا و داهاتوو هەرێمی كوردستان نابێتە سەرچاوەی هەڕەشە بۆ هیچ كام لە وڵاتانی دراوسێ.
وتیشی، داوا لە دەسەڵاتی فیدراڵیی عێراق دەكەین بە ئەركی خۆیان هەڵستن و پارێزگاری لە سەروەریی خاكی عێراق بكەن.
