پارێزگاری سلێمانی هاوخەمی بۆ رووداوی هێرشەكەی شەوی رابردووی سەر هەولێر دەردەبڕێت.
هەڤاڵ ئەبوبەكر، پارێزگاری سلێمانی لە پەیامێكدا رایگەیاند، هەولێری قەڵا و قەڵغانی دێرینی زێڕینی شیرینی شکۆمەند؛ هاوخەم و هاوبەشی پرسە و ماتەمینی و ئەم کۆستە نیشتمانییەمانین، لەگەڵتانین.
شەوی رابردوو لەڕێی هێرشێكی مووشەكییەوە باڵەخانەیەك لە هەولێر كرایە ئامانج و بەهۆیەوە چوار كەس گیانیان لەدەستدا و شەشی دیكەش برینداربوون.
ئەمڕۆش لەلایەن پارێزگارەكانی هەولێر و دهۆكەوە سێ رۆژ ماتەمینی گشتی راگەیەندرا.
