لە بارەی هێرشەکانی سەر هەولێر پارێزگاری سلێمانی رایدەگەیەنێت، “پرسە و هاوخەمی خۆمان بۆ قوربانییەکان دەردەبڕین و هیوای چاکبوونەوەی خێرا بۆ بریندارەکان دەخوازین”.
هەڤاڵ ئەبوبەکر، پارێزگاری سلێمانی ئاماژەی بەوە کرد، “بە توندیی سەرکۆنەی هێرشەکانی سەر هەولێری پایتەختی هەرێمی کوردستان و هەموو ناوچەکانی دیکە دەکەین، پرسە و هاوخەمیی خۆمان بۆ قوربانییەکان دەردەبڕین و هیوای چاکبوونەوەی خێرا بۆ بریندارەکان دەخوازین”.
ئەوەشی خستەڕوو، “داواکارین ئەم هێرشانە لەلایەن وڵاتانی ناوچەکەوە بۆ سەر هەرێمی کوردستان رابگیرێن، شەڕ هیچ کێشەیەک چارەسەر ناکات، تەنها ئاشتیی و سەقامگیریی لە ناودەبات و کێشەکان ئاڵۆزتر دەکات، ئاسایش و ئابوریی ناوچەکە بەگشتی دەخاتە ژێر مەترسییەوە”.
