وەزارەتی بازرگانیی هەرێم رایدەگەیەنێت، رۆژی پێنجشەممەی داهاتوو سایلۆكان بە رووی جوتیاراندا دەكرێتەوە و بۆ وەرگرتتنی بەرهەمی گەنمی ئەمساڵی جوتیاران.
بەپێی راگەیەندراوێكی وەزارەتی بازرگانیی هەرێم كە وێنەیەكی دەست تۆڕی میدیایی ئێستا كەوتووە و تێیدا هاتووە، بۆ هەر تۆنێك هەشت سەدو و پەنجا هەزار دینار دەدرێت بە جوتیاران و دوای وەرگرتنی نموونە و دەرچوونی لەپشكنین وەردەگیرێت.
لە راگەیەندراوەكەدا هاتووە، بۆ ئەمساڵ لە سنووری پارێزگاكانی هەرێم بڕی تەنها سێ سەد وحەفتاو پێنج هەزارتۆن گەنم وەردەگیرێت.
ئاماژە بۆ ئەوەش كراوە، چل ملیار دینار خراوەتە سەر حساب بانكی وەزارەتی بازرگانی و پیشەسازیی هەرێم بۆ گەنمی ئەمساڵ و ڕاستەوخۆ چەند ڕۆژ دوای وەرگرتنی گەنم لە جوتیاران چەكەكانیان پێدەدرێت لە ماوەیەكی كەمدا لەبانكەكان شایستە داراییەكانیان وەردەگرن.
