بەڕێوەبەری پلاندانان و بەدواداچوونی وەزارەتی بازرگانی عێراق رایگەیاند، لە سەرەتای مانگی رەمەزان 11 ماددەی خۆراکی بەسەر هاوڵاتییاندا دابەشدەکرێت.
حەسەن نیعمە بەڕێوەبەری پلاندانان و بەدواداچوونی وەزارەتی بازرگانی عێراق بە رۆژنامەی سەباحی راگەیاندووە، ئامادەکارییەکان بۆ دابەشکردنی خۆراک لە مانگی رەمەزاندا دەستیانپێکردووە، بڕیارە لە رۆژەکانی سەرەتای ئەو مانگەدا بەسەر هاوڵاتییاندا دابەشبکرێت.
ئاشکراشیکرد، بەشە خۆراکی مانگی رەمەزان جیاوازترە لە مانگەکانی دیکە کە خۆی لە حەوت ماددە سەرەکییەکە (برنج، شەکر، زەیت، فاسۆلیا، نیسک، دۆشاو، نۆک) و نیشاستە، ئاردی سفر، مەعکەرۆنی و شەعرییەدا دەبینێتەوە.
