دانیشتنی ئەمڕۆی ئەنجومەنی نوێنەران بەهۆی تەواونەبوونی رێژەی یاسایی پەرلەمانتاران، هاوشێوەی دانیشتنەکەی دوێنێ دواخرا.
ئەنجومەنی نوێنەرانی عێراق لە راگەیەندراوێکی کورتدا نووسیویەتی، “ئەنجومەنی نوێنەران بەهۆی تەواونەبوونی رێژەی یاساییەوە دانیشتنەکەی دواخست”.
پاش دواخستنی دانیشتنەکە، نوسینگەی راگەیاندنی موحسین مەندەلاوی، جێگری یەکەمی سەرۆکی ئەنجومەنی نوێنەران رایگەیاند، مەندەلاوی داوایکردووە ناوی ئەو پەرلەمانتارانە بڵاوبکرێتەوە، کە ئامادەی دانیشتنی ئەمڕۆی ئەنجومەن نەبوون و رێژەی دارایی دیاریکراو لە مووچەکانیان ببڕدرێت.
جێی ئاماژە بۆکردنە، دوێنێ دووشەممەش، ئەنجومەنی نوێنەران بە هەمان هۆکار، دانیشتنەکەی خۆی دواخست.
