بەڕێوەبەرایەتیی ئاسایشی ھەولێر دەستگیركردنی كەسێكی بە تۆمەتی كوشتنی پارێزەرێك لە قەزای حلەی سنووری پارێزگای بابل راگەیاند كە دەسترێژی گوللـەی لە دوو پارێزەر كردووە و یەكێك لە پارێزەرەكانی كوشتووە.
بەڕێوەبەرایەتیی ئاسایشی ھەولێر لە راگەیەندراوێكدا بڵاویكردەوە، دوای وەرگرتنی رەزامەندیی دادوەری ئاسایشی ھەولێر ھێزەكانیان لە لە 19 ی تشرینی دووەمی ساڵی رابردوو، لە ئۆپەراسیۆنێكدا توانییان تۆمەتبارێكی هەڵاتووی پارێزگای بابل دەستگیربكەن.
هەر لە راگەیەندراوەكەدا هاتووە، ئەو تۆمەتبارەی دەستگیركراوە، پێشتر لەسەر كێشەیەكی كۆمەڵایەتی لە قەزای حلەی سنووری پارێزگای بابل، دەسترێژی گوللـەی لە دوو پارێزەر كردووە و یەكێك لە پارێزەرەكانی كوشتووە و ئەوەی دیكەیان برینداركردووە، دواتریش هەڵاتووە بۆ ھەرێمی كوردستان و لە پارێزگای ھەولێر خۆی حەشارداوە.
