بەپێی زانیارییەکانی تۆڕی میدیایی ئێستا ڕۆژی چوارشەممە، پەرلەمانی کوردستان لەسەر هەڵبژاردنی کاندیدێک بۆ وەزیری سامانە سروشتییەکان کۆدەبێتەوە.
بڕیارە سبەی 4ی کانوونی دووەم، سەرۆکایەتی پەرلەمان داوایەک ئاڕاستەی پەرلەمانتاران بکات بۆ دانیشتنی نائاسایی لەبارەی گفتوگۆکردن لەسەر هەڵبژاردنی کەسێک بۆ وەزیری سامانە سروشتییەکان.
سەرچاوەیەک لە پەرلەمانی کوردستانەوە بە تۆڕی میدیایی ئێستای ڕاگەیاند، “پارتی دیموکراتی کوردستان کاندیدێکی بۆ ئەو پۆستە هەیە کە کەمال ئەتروشییە و بڕیارە بەیانی سیڤییەکەی بگاتە پەرلەمانی کوردستان”.
ئەگەرچی پەرلەمانی کوردستان لە پشوودایە، بەڵام بڕیارە کۆبوونەوەیەکی نائاسایی بۆ ئەم پرسە بکرێت و کانیدی پارتی دیموکراتی کوردستان دیاری بکرێت بۆ پۆستی وەزارەتی سامانە سروشتییەکان.
