كۆمسیۆنی هەڵبژاردنەكانی عێراق خشتەیەكی نوێ بۆ هەڵبژاردنی پەرلەمانی كوردستان دیاریدەكات.
كۆمسیۆنی باڵای سەربەخۆیی هەڵبژاردنەكان لە عێراق رایدەگەیەنێت، لەگەڵ هەرێمی كوردستان لە گفتوگۆدان بۆ ئامادەكردنی خشتەیەكی نوێ بۆ هەڵبژاردنی پەرلەمانی كوردستان.
بەپێی نووسراوێكی كۆمسیۆنی باڵای سەربەخۆی هەڵبژاردنەكانی عێراق تێیدا هاتووە بۆ هەڵبژاردنی پەرلەمانی كوردستان گفتوگۆ لەگەڵ بەرپرسانی هەرێم دەكرێت و وادەیەك بۆ هەڵبژاردنی پەرلەمانی كوردستان دیاریدەكرێت.
پێشتر بڕیاربوو لە مانگی شوباتی ئەمساڵدا هەڵبژاردنی پەرلەمانی كوردستان ئەنجامبدرێت، بەڵام كۆمسیۆنی هەڵبژاردنەكانی عێراق رایگەیاند ناتوانن لەو وادەیە هەڵبژاردن ئەنجامبدەن.
