بانکی ناوەندیی عێراق خشتەی فرۆشی دۆلاری ئەمڕۆی بڵاوکردەوە و ئاماژەی بەوەکردووە، 212 ملیۆن دۆلاری فرۆشتووە، لە بازاڕە ناوخۆییەکانی عێراق و هەرێم ئێستا 100 دۆلار هاوتای 154 هەزار و 250 دینارە.
لە خشتەی فرۆشی ئەمڕۆ چوارشەممەی دۆلاری بانکی ناوەندیی عێراقی، 212 ملیۆن و 932 هەزار و 948 دۆلار فرۆشراوە، لەو بڕە 188 ملیۆن و 602 هەزار و 948 دۆلاری بەشێوەی حەواڵە بووە و 24 ملیۆن و330 هەزار دۆلاریشی بەشێوەی کاش بووە.
نرخی دۆلار لە بازاڕە خۆجێییەکانی هەرێم و عێراق، ئەمڕۆ لە بەرزیدا جێگیربووە و لە سەرو 154 هەزار دینارەوەیە.
