ئاژانسی ناسای تایبەت بە بواری بۆشایی ئاسمانیی ئەمریکی بڵاویکردەوە، گەشتی نیشتنەوەی تیمی فڕۆکەوانی کەشتی ئاسمانی ئارتمس کە کەشتیوان دەباتە سەر مانگ بەمەبەستی توێژینەوەی زانستیی، بۆ ساڵی ٢٠٢٦ دواخراوە.
ناسا لە راگەیەندراوێکیدا ئاماژەی بە مەترسی و نیگەرانییەکان کردووە و دەڵێت، “جگە لە نیگەرانییە ئەمنییەکان لەبارەی کەشتییە ئاسمانییەکە، کێشە لە جلوبەرگی کەشتیوانان و کەشتی نیشتنەوەکەدا بووە.”
لەبەر سەلامەتی تیمی کەشتیوانیی و بە هەستیارییەوە مامەڵەکردنی ئاستەنگەکانی تیمەکە بابەتەکە تاوتوێکراوە.
بیڵ نێلسۆن بەڕێوەبەری ئاژانسی ناسا لە لێدوانێکیدا وتویەتی، “سەلامەتی و ئاسایش گرنگترین پێشینەی کاری ئێمەن و هەر بۆیە گەشتەکە دواخراوە بۆ ساڵی 2026”
نێلسۆن باسی لەوە کرد کە ئەم دواخستنە کاتی زیاتر بە تیمی ئارتمس دەبەخشێت بۆ چارەسەرکردنی ئاستەنگەکان.
