سەرۆك وەزیرانی عێراق داوادەكات چاوخشاندنەوە بكرێت بە چۆنیەتی ئەژماركردنی سوود لەسەر ئەو قەرزەی بە هاوڵاتییان دەدرێت.
میدیای رەسمیی عێراق لە زاری سەرچاوەیەكی حكومییەوە رایگەیاند، محەمەد شیاع سودانی سەرۆك وەزیرانی عێراق داوای لە وەزارەتی دارایی، بانكی ناوەندی و بانكە حكومی و ئەهلییەكان كردووە چاوخشاندنەوە بكەن بە ئەژماركردنی ئەو سوودەی دەخرێتەسەر ئەو بڕە قەرزەی بە هاوڵاتییان دەدرێت.
داواشیكردووە، بە ئەژماركردنی سوود لەسەر شێوازی كەمكردنەوە لە بری شێوازی زیادكردن، كە بارگرانی دەخاتەسەر قەرز وەرگر.
