ئەمڕۆ سێشەممە پشووی ئەنجومەنی نوێنەران کۆتاییهات، هەرچەندە بڕیاربوو کۆبوونەوەی سەرۆکایەتی و سەرۆکی فراکسیۆنەکان بەڕێوەبچێت بۆ کاتێکی نادیار دواخرا.
هەرێم کەمال ئاغا سەرۆکی فراکسیۆنی یەکێتی رایگەیاند، ئەمڕۆ سێشەممە بڕیاربوو کۆبوونەوەی سەرۆکایەتیی ئەنجومەنی نوێنەران و سەرۆکی فراکسیۆنەکان بەڕێوەبچێت، بەڵام بۆ کاتێکی نادیار دواخرا.
بڕیاربوو کۆبوونەوەکە بە مەبەستی دیاریکردنی رۆژێک بێت بۆ هەڵبژاردنی سەرۆکی ئەنجومەنی نوێنەران.
لەدوای دوورخستنەوەی محەمەد حەلبوسی لە پۆستی سەرۆکی ئەنجومەنی نوێنەران لە وەرزی رابردووی یاسادانان، بەهۆی رێکنەکەوتنی لایەنەکان لەسەر کاندیدێک تا ئێستا ئەو پرسە بە هەڵپەسێردراوی ماوەتەوە.
