سەرکردەیەکی چوارچێوەی هەماهەنگی رایگەیاند، گفتوگۆکان بۆ یەکلاکردنەوەی کاندیدی سەرۆکی ئەنجومەنی نوێنەران چەقیانبەستووە و هیچ بەرەوپێشچوونێک رووینەداوە.
عەلی زوبەیدی سەرکردە لە چوارچێوەی هەماهەنگی بە میدیا عێراقییەکانی راگەیاندووە، “گفتوگۆ و دانوستانەکان تایبەت بە پرسی هەڵبژاردنی سەرۆکی ئەنجومەنی نوێنەران چەقیانبەستووە و هیچ بەرەوپێشچوونێکی نوێ رووینەداوە”.
ئاماژەی بەوەشکرد، “هەڵبژاردنی ئەنجومەنی پارێزگاکان و ئەو دۆخە ئەمنییەی عێراقی پێدا تێدەپەڕێت هۆکاری ئەو چەقبەستووییەن، چاوەڕێ دەکەین دوای پەسەندکردنی ئەنجامی هەڵبژاردنەکان و تەنانەت لە کاتی گفتوگۆکان بۆ پێکهێنانی حکومەتە خۆجێیەکان ئەو پرسەش یەکلایی بکرێتەوە”.
