بەهۆی تەقینی بوتڵێكی غازی ماڵان لە كەركوك دوو منداڵ گیانیان لەدەستدا.
رووداوەکە ئەمڕۆ لە دەوروبەری قەزای حەویجەی باشووری رۆژئاوای کەرکوک بووە، بوتڵی غازی ماڵەکە غازی لێڕۆیشتووە و بەوهۆیەوە تەقیوەتەوە و لە ئاكامیدا سەقف و بەشێكی خانووەکە داڕماوە.
هەر بەهۆی رووداوەكەوە دوو منداڵی كچی تەمەن 10 بۆ 12 ساڵان گیانیان لەدەستداوە.
بەپێی هەندێك لە سەرچاوەكان دایكی منداڵەكانیش بووەتە قوربانی، بەڵام هێشتا بەتەواوی پشتڕاست نەكراوەتەوە.
