لە یەکەم وێستگەی گەشتەکەیدا بۆ رۆژهەڵاتی ناوەڕاست، وەزیری دەرەوەی ئەمریکا گەیشتە ئیستانبوڵ.
بڕیارە لە گەشتەکەیدا، جگە لە تورکیا و یۆنان، بلینکن سەردانی پێنج وڵاتی عەرەبی و هەروەها ئیسرائیلیش بکات.
بڕیارە ئەمڕۆ شەممە، بلینکن لە ئیستانبوڵ، لەگەڵ هاکان فیدان هاوتا تورکەکەی و رەجەب تەیب ئەردۆغان سەرۆک کۆماری تورکیا گفتوگۆ بکات.
ماتیۆ میلەر، وتەبێژی وەزارەتی دەرەوەی ئەمریکا لە لێدوانێکی رۆژنامەوانیدا رایگەیاند، “پێشبینی ناکەین هەموو گفتوگۆکان لەم گەشتەدا ئاسان بن، روونە کە کێشەی قورس لەبەردەم ناوچەکەدایە و هەڵبژاردن و بژاردەی قورس لە پێشمانە”.
ئاماژەی بەوەشکرد، بەڵام وەزیر پێی وایە ئەوە بەرپرسیارێتی ئەمریکایە کە سەرکردایەتی هەوڵە دیپلۆماسییەکان بکات بۆ رووبەڕووبوونەوەی راستەوخۆی ئەم تەحەددایانە.
