نرخی نەوت لە بازاڕەکانی جیهان لە بەرزبوونەوە بەردەوامە و بەیانی ئەمڕۆ نرخی بەرمیلێک نەوتی خاوی برێنت، بەرزبووەتەوە بۆ 78 دۆلار و 76 سەنت.
ئەمڕۆ شەممە، بەرمیلێک نەوتی خاوی برێنت بەرامبەر بە 78 دۆلار و 76 سەنت مامەڵەی پێوە دەکرێت و بەرمیلێک نەوتی خاوی ئەمریکی (تێکساس) بەرامبەرە لەگەڵ 73 دۆلار و 81 سەنت.
بەشێک لە هۆکارەکانی بەرزبوونەوەی نرخی نەوت، پەیوەندی بە تەشەنەسەندنی ئاڵۆزییەکانەوە هەیە لە ناوچەکانی رۆژهەڵاتی ناوەڕاست لەماوەی چەند رۆژی رابردوودا و بەشێکی دیکەشی بەهۆی سەردانەکەی وەزیری دەرەوەی ئەمریکا بۆ ئیسرائیل.
