قوباد تاڵەبانی، جێگری سەرۆك وەزیران، ئیدانەی هێرش و پەلامارەكانی پارێزگای كرمانی ئێرانی كرد و پرسەو سەرەخۆشیشی لە حكومەت و گەلی ئێران و كەسوكاری قوربانیان كرد.
قوباد تاڵەبانی لە بروسكەیەكدا، وێڕای ئیدانەكردنی ئەو هێرش و پەلامارانەی كە ژمارەیەك لە هاوڵاتییانی مەدەنی لەپارێزگای كرمان كردە ئامانج، جەختی لە هەڵوێستی نەگۆڕی خۆی كردەوە بۆ رەتكردنەوەی هەموو جۆرەكانی توندوتیژی و هەر هەوڵێك كەببێتە مایەی تێكدانی سەقامگیری و ئارامی لەناوچەكەدا.
لە كۆتایی بروسكەكەدا قوباد تاڵەبانی وێڕای پرسەو سەرەخۆشی لەحكومەت و گەلی ئێران، ئەو هێرشەی كرمانی بە كردەوەیەكی تاوانكاری وەسفكرد.
