فەرمانگەی ئاوی سلێمانی ڕایدەگەیەنێت، بەهۆی تاقیكردنەوەكانی خولی دووەمی قۆناغی 12ی ئامادەیی و ڕاگرتنی هێڵەكانی ئینتەرنێتەوە وەرگرتنی پارەی ئاو ڕادەگیرێت.
بەپێی ڕاگەیەندراوێكی فەرمانگەی ئاوی سلێمانی كە وێنەیەكی دەست تۆڕی میدیایی ئێستا كەوتووە و تێیدا هاتووە، بەهۆی تاقیكردنەوەكانی قۆناغی 12ی ئامادەیی لە ئەمڕۆوە شەممە بۆ ماوەی یەك هەفتە و ڕۆژانە لە كاتی تاقیكردنەوەكاندا كە هێڵەكانی ئینتەرنێت ڕادەگیرێت، بەو هۆیەوە سیستمی وەرگرتنی پارەی ئاو لە هاوڵاتییانیش ڕادەگیرێت.
لە ڕاگەیەندراوەكەدا هاتووە، “داوا لە هاوڵاتییان دەكەین ڕۆژانە تا كاتژمێر 10:30ی خولەك سیستمی وەرگرتنی پارەی ئاو دەوەستێت لە دوای ئەو كاتەوە هاوڵاتییان دەتوانن سەردانی بنكەكانی وەرگرتنی پارەی ئاو بكەن”.
