قائیمقامی هەولێر رایدەگەیەنێت، لە سەرەتای هەفتەی داهاتووەوە 10 نان و سەموون دەبێت بە هەزار دینار و هەر نانەواخانە و سەموونخانەیەك پابەند نەبێت لێپێچینەوەی لەگەڵدا دەكرێت.
نەبەز عەبدولحەمید قائیمقامی هەولێر لە لێدوانێكیدا رایگەیاند، لە 7ی 12ی 2023 نووسراوێك دەركراوە كە ئاراستەی وەزارەتەكانی بازرگانی و ناوخۆ كراوە كە دەبێت 10 نان یاخود 10 سەموون بكرێتە هەزار دینار و لە شاری هەولێر لە سەرەتای هەفتەی داهاتووەوە كار بەو بڕیارە دەكرێت.
راشیگەیاند، ئاسانكاری بۆ خاوەنی نانەواخانە و سەموونخانەكان دەكرێت و لیژنەكان چاودێرییان دەكەن و كێشیشی دەبێت 90 غرام بێت و هەر نانەواخانە و سەموونخانەیەك پابەندنەبێت لێپێچینەوەی لەگەڵدا دەكرێت.
