بافڵ جەلال تاڵەبانی سەرۆكی یەكێتیی نیشتمانیی كوردستان ئیدانەی تەقینەوەكانی شاری كرمان دەكات و رایدەگەیەنێت، “ئەركی ھەموولایەكە بە یەكگرتووییەوە ھەوڵەكان بۆ رووبەڕووبوونەوەی تیرۆر و تیرۆریستان یەكبخەن”.
لە پەیامەكەی سەرۆكی یەكێتیدا هاتووە، “بە توندی ئیدانەی هێرشە تیرۆریستییەكەی شاری كرمان دەكەم و پرسە و هاوخەمیی قووڵی خۆمان ئاڕاستەی گەلی ئێران و كەسوكاری قوربانییەكان دەكەین و ئەركی هەموولایەكە بە یەكگرتووییەوە هەوڵەكانمان بۆ رووبەڕووبوونەوەی تیرۆر و تیرۆریستان یەكبخەین و ئاسایش و سەقامگیریی ناوچەكە بپارێزین”.
هەر لە پەیامەكەی سەرۆك بافڵدا هاتووە، “یەكێتیی نیشتمانیی كوردستان هاوسۆزە لەگەڵ كۆماری ئیسلامیی ئێران و هیوای زوو چاكبوونەوە بۆ بریندارەكان دەخوازین”.
