تەرمی منداڵێكی حەوت ساڵان گەیەندرایە نەخۆشخانە و پۆلیسی راپەڕین دەڵێت، شوێنەواری فیشەك بە سەریەوە بووە.
بەڕێوەبەرایەتیی پۆلیسی راپەڕین رایگەیاند، کەمێک پێش ئێستا تەرمی منداڵێک بەناوی (ح. س. ع.) تەمەن حەوت ساڵ و لە رەگەزی نێر، دانیشتووی گوندی (گولان) سەر بە ناحیەی هەڵشۆ لە قەزای پشدەر گەیەندرایە نەخۆشخانەی گشتیی قەڵادزێ.
پاش پشکنین و توێکاری بۆ تەرمەکەی دەرکەوت شوێنەواری فیشەک بەسەریەوە دیارە، وەك ئەوەی پۆلیسی راپەڕین ئاماژەی پێداوە و دەڵێت، بەمەبەستی زانینی هۆکاری راستەقینەی مردنەکەی بەڕێکرا پزیشکی دادی سلێمانی.
لەلایەن هێزەكانی پۆلیسەوە پەڕاوی لێکۆڵینەوە بۆ رووداوەکە رێکخراوە.
