لیستی ئەو سوودانەی لە ئەنجامدانی وەرزشی بە بەرنامە دەستدەکەوێت، شتێکی دیکەی بۆ زیاد بوو، ئەویش قەبارەی ئەو بەشەی مێشکە کە بەرپرسە لە بیرەوەری و تواناکانی فێربوون.
لە توێژینەوەیەکدا کە لە رۆژنامەی ساینس ئەلێرت بڵاوکراوەتەوە و لەلایەن پەیمانگای زانستی دەمار لە سەنتەری سانت جۆنسی تەندروستی و زانکۆی واشنتن لە سانت لویس کراوە، ئاماژەی بەوەکردووە، وەرزش نابێت زۆر بەهێز بێت و کاتێکی زۆر بخایەنێت و دەبێت بە بەرنامە بێت بەو جۆرە سوودی بۆ مێشک دەبێت.
لە توێژینەوەکەدا پشکنینی موگناتیزی دەماغی زیاتر لە 10 هەزار کەس کراوە، دەرکەوتووە ئەو کەسانەی وەرزشی بەرنامەبۆداڕێژراو وەک رۆشتن و راکردن و مەلە و ئەوانەی دیکە ئەنجامدەدەن بەشێکی ناو مێشکیان گەورەتر بووە بەراورد بە کەسانی دیکە کە وەرزش ناکەن.
ئەو بەشەش بەرپرسە لە بڕیاردان و هەڵگرتنی زانیاری و یادەوەرییەکان و ئەو کەسانەی رۆژانە کەمتر لە 4000 هەنگاویان ناوە توانیویانە سوود وەربگرن، بەڵام ئەوانەی رۆژانە 10000 هەنگاو دەنێن زۆرترین سوود بەدەست دەهێنن.
