لە سبەینێوە گۆڕانکاری لە دۆخی کەشوهەوای ناوچەکانی هەرێمی کوردستان دروست دەبێت و لە کۆتایی ئەم هەفتەیەدا ئەگەری بارینی بەفر و باران هەیە.
دەستەی کەشوهەوای عێراق بڵاویکردەوە، لە ناوچەکانی هەرێمی کوردستان سبەی چوارشەممە ئاسمان دەگۆڕێت بۆ نیمچە هەور، ئەگەری بارینی بەفر دەبێت لە ناوچە شاخاوییەکان و ئەگەری بارانیش دەبێت بەشێوەی پچڕ پچڕ.
لەبارەی کەشوهەوای رۆژی پێنجشەممەشەوە باسی لەوەکردووە، ئاسمان نیمچەهەور دەبێت لەگەڵ ئەگەری بارینی بارانی مامناوەند تاوەکو بەهێز و، لە شەودا ئەگەری بارینی بەفریش دەبێت.
بۆ رۆژانی هەینی و شەممەش دەڵێت، “پلەکانی گەرما دابەزین بەخۆیانەوە دەبینن و بارانبارین بەشێوەی مامناوەند تا بەهێز بەردەوامی دەبێت”.
