لە مانگی رابردوودا، داهاتی هەناردەی نەوتی عێراق 8 ملیار و 316 ملیۆن دۆلار بووە.
کۆمپانیای بەبازاڕکردنی نەوت “سۆمۆ” بڵاویکردەوە، “بڕی هەناردەکردنی نەوتی خاو 108 ملیۆن و 56 هەزار و 590 بەرمیل بووە، بە تێکڕای رۆژانە 3 هەزار و 486 بەرمیل نەوت هەناردە کراوە، داهاتەکەی گەیشتووەتە 8 ملیار و 316 ملیۆن دۆلار”.
بەپێی ئاماری کۆمپانیاکە، “کۆی بڕی هەناردەکراوی نەوتی خاو بۆ مانگی کانونی یەکەم لە کێڵگە نەوتییەکانی ناوەڕاست و باشووری عێراق 107 ملیۆن و 592 هەزار و 532 بەرمیل بووە، هاوکات هەناردەکردن بۆ ئوردن 464 هەزار و 58 بەرمیل بووە، نرخی یەک بەرمیل بە 76.96 دۆلار خەمڵێندراوە”.
