لیژنەی دارایی ئەنجومەنی نوێنەرانی عێراق رایدەگەیەنێت، تائێستا سەرۆكایەتیی ئەنجومەنی وەزیرانی عێراق هیچ نووسراوێكی تایبەت بە بودجەی ساڵی 2024 ئاراستە نەكردوون بۆ پێداچوونەوە بە داهات و خەرجییەكاندا.
مستەفا كەرعاوی، ئەندامی لیژنەی دارایی لە ئەنجومەنی نوێنەرانی عێراق بە میدیا عێراقییەكانی راگەیاندووە، تائێستا ئەنجومەنی وەزیرانی عێراق خشتەی تایبەت بە بودجەی ساڵی 2024 رەوانەی ئەنجومەنی نوێنەران و لیژنەی دارایی نەكردووە بۆ پێداچوونەوە و رێكخستنەوەی كۆی داھات و خەرجییەكان و دیاریكردنی بڕی كورتهێنان و دیاریكردنی نرخی پێشبینیكراوی نەوت.
ئاشكراشیكرد،، چاوەڕواندەكرێت لە دوای كۆتایی ھاتنی پشووی وەرزی یاسادانان كە دەكەوێتە دوای سەری ساڵی نوێ، حكومەت خشتەی تایبەت بە بودجەی 2024 رەوانەی ئەنجومەنی نوێنەران و لیژنەی دارایی بكات.
