بەیانی ئەمڕۆ لەسەر رێگای خێرای باکووری مارمارا، حەوت ئۆتۆمبێل بەیەکیاندا دا و بەهۆیەوە 11 کەس گیانیان لەدەستدا و 57 کەسی دیکەش برینداربوون.
میدیاکانی تورکیا بڵاویانکردەوە، بەرەبەیانی ئەمڕۆ ، لەسەر رێگای خێرای باکووری مارمارا بە ئاڕاستەی ئیستانبوڵ، حەوت ئۆتۆمبێل کە سێ پاس و بارهەڵگرێکیان تێدابووە بەیەکیاندادا داوە.
هەرچەندە تا ئێستا هۆکاری رووداوەکە ئاشکرانەکراوە، تیمە تەندروستییەکان گەیشتوونەتە شوێنی رووداوەکە قوربانییەکان گواستراونەتەوە و لێکۆڵینەوەکانیش لە رووداوەکە دەستیانپێکردووە.
