لیڤەرپووڵ بە بردنەوەی لە بێرنلی، بەشێوەیەکی کاتیی پێشەنگی خولی نایابی ئینگلیزی گرتووە، بە 42 خاڵ،
ئارسیناڵ 40 خاڵی هەیە و ئەمشەو کاتژمێر 11:15 بەرامبەر وێستهام یونایتد یاری دەکات، ئەگەر سەرکەوتن بەدەستبهێنێت، بە جیاوازی خاڵێک دەچێتە پێش لیڤەرپووڵ و دەگەڕێتەوە بۆ پێشەنگی پریمەرلیگ.
مان سیتی بە بردنەوەی لە ئیڤەرتن پلەیەک سەرکەوت و گەڕایەوە پلەی چوارەمی ریزبەندی، بە جیاوازی دوو خاڵ لە دوای ئاستۆن ڤێلاوەیە، یارییەکی دواخراویشی هەیە، ئەگەر سێ خاڵی ئەو یارییە دواخراوە بەدەستبهێنێت، دەگەڕێتەوە بۆ پلەی سێیەم و کۆی خاڵەکانی دەکاتە چل خاڵ و جیاوازییەکە لەگەڵ پێشەنگی پریمەرلیگ کەمدەکاتەوە.
تۆتنهامیش کە ئێستا لە پلەی پێنجەمدایە، ئەمشەو کاتژمێر 10:30 بەرامبەر برایتن یاری دەکات، ئەگەر سێ خاڵی یارییەکە بەدەستبهێنێت، دەگەڕێتەوە بۆ پلەی چوارەم و بەشێوەیەکی کاتی مان سیتی دەخاتەوە پلەی پێنجەم، تا کاتی یاریی داهاتووی مان سیتی.
