پەیامێنری تۆڕی میدیایی ئێستا لە شاری كەركوك گواستییەوە، منداڵێكی تەمەن 5 ساڵان لە قەزای داقوق گیانیلەدەستدا و كەسوكارەكەی دەڵێن، “دوای خواردنی ئیندۆمی دۆخی تەندروستی تێكچووە و ئەمرۆ گیانیلەدەستداوە”.
راشیگەیاند، ئەو منداڵە درەنگانی شەوی رابردوو ئیندۆمی خواردووە و دواتر تووشی سكچوون و رشانەوە بووە و بەیانی ئەمڕۆ بەر لە گەیاندنی بۆ نەخۆشخانە گیانیلەدەستداوە كە تەمەنی 5 ساڵان بووە.
لای خۆشییەوە، سەرچاوەیەك لە تەندروستیی داقوق بە تۆڕی میدیایی ئێستای راگەیاند، بۆ خستنەرووی هۆكاری گیانلەدەستدانی ئەو منداڵە دەبێت توێكاری بۆ تەرمەكەی بكرێت و ئەو كات زانیاری لەبارەی گیانلەدەستدانی بڵاودەكەنەوە.
