بەپێی ئاماری تەندروستیی کەرکوک، ئەمساڵ بەراورد بە ساڵی رابردوو، ژمارەی تووشبووانی شێرپەنجە لەو شارەدا کەمیکردووە.
د. زیاد خەڵەف، بەڕێوەبەری گشتیی تەندروستیی کەرکوک رایگەیاند، سەنتەری پسپۆڕیی کەرکوک بۆ نەخۆشییەکانی شێرپەنجەو خوێن لەماوەی ساڵی 2023 دا هەزارو 16 تووشبووی تۆمارکردووە، ئەمە لەکاتێکدا ساڵی 2022 هەزارو 893 تووشبوو هەبوون، ئەمەش بە واتای کەمبوونەوەی ژمارەی تووشبووان دێت لەماوەی ئەمساڵدا، لەئێستاشدا کۆی ژمارەی تووشبووان دەگاتە 4106 کەس.
ئاماژەی بەوەش کرد، لەماوەی ساڵی 2023 دا 34 هەزارو 293 منداڵ لەدایکبوون و زیاتر لە یەک ملیۆن و 754 هەزار کەسیش سەردانی نەخۆشخانەو بنکە تەندروستییەکانی پارێزگاکەیان کردووە.
