لە گوندێکی سەربە قەزای شێخانی سنووری پارێزگای دهۆک، بەهۆی دروستبوونی کێشە لەسەر خراپ بەکارهێنانی تۆڕە کۆمەڵایەتییەکان مێردمنداڵێکی تەمەن 15 ساڵان کوژرا.
هێمن سڵێمان وتەبێژی پۆلیسی دهۆک رایگەیاند، لە گوندی شێخ مەلوان_ی سەر بە قەزای شێخان مێردمنداڵێکی تەمەن 15 ساڵان بە ناوی ئەحمەد دەروێش کوژراوە.
ئاماژەی بەوەشکرد، دوای گەیشتنی هێزەکانی پۆلیس بۆ شوێنی رووداوەکە دەرکەوت لەلایەن دانیشتوویەکی گوندەکەوە بە ناوی (و.ت.ز) کوژراوە، توانرا دەستگیربکرێت.
ئاشکراشیکرد، بەپێی لێکۆڵینەوە سەرەتاییەکان رووداوەکە بەهۆی کێشە لەسەر خراپ بەکارهێنانی تۆڕە کۆمەڵایەتییەکان دروستبووە.
