ئەو ستوونانەی لە تاسڵوجە بەهۆی كەشوهەواوە زیانیان بەركەوت، لەلایەن تیمەكانی كارەباوە گۆڕدران و مەترسیی سەر هێڵەكانی كارەبا لابران.
دوای ئەوەی دوێنێ بەهۆی کەشوهەواوە بەشێک لە شاخی تاسڵوجە هەرەسیهێنا و ژمارەیەکی زۆر ستوونی کارەبا زیانی بەرکەوت و مەترسی بۆ تۆڕەکان دروستکرد، ئەمڕۆ تیمەكانی چاككردنەوەی كارەبا سەرجەم ستوونەکانیان گۆڕی.
تەکنیککار هیوا هەیەر، لێپرسراوی هۆبەی چاککردنەوەی کارەبای راپەڕین رایگەیاند، ئەو تۆڕانە رێڕەوی فیدەری کارەبای 283ی وێستگەی نیشتمانییان لەسەرە، دوای گواستنەوەی ستوونەکان ئەو مەترسییانە نەمان.
