پارێزگاری بانكی ناوەندیی عێراق رایدەگەیەنێت، بە گرتنەبەری چەند رێوشوێنێك بەهای دۆلار بەرامبەر دینار جێگیربووە و دەشڵێت، یەدەگی بانكی ناوەندیی عێراق پەیوەستە بە داهاتی نەوتەوە.
عەلی عەلاق پارێزگاری بانكی ناوەندیی عێراق بە میدیای عێراقی راگەیاندووە، زیادبوونی یەدەگی بانكی ناوەندیی عێراق پەیوەستە بە داهاتی نەوتەوە و لەسەر ئاستی نێوەدەوڵەتیش لەسەر هەمان بنەما مامەڵەی لەگەڵدا دەكرێت.
لەبارەی بەهای دۆلاریشەوە، عەلی عەلاق ئاماژەی بۆ ئەوەش كرد، بە گرتنەبەری چەند رێوشوێنێك لەلایەن بانكی ناوەندییەوە بەهای دۆلار بەرامبەر دینار لە بازاڕدا جێگیربووە.
