بە هۆكارێكی نادیار ئاگر لە پاڵاوگەیەكی گوێر كەوتەوە و تیمەكانی بەرگریی شارستانیی هەولێر لە هەوڵی كۆنترۆڵكردنی ئاگرەكەدان.
بەپێی زانیارییەكانی تۆڕی میدیایی ئێستا، كەمێك پێش ئێستا ئاگر لە پاڵاوگەیەكی گوێر كەوتووەتەوە و تیمەكانی بەرگریی شارستانیی هەولێر لە هەوڵی كۆنترۆڵكردنی ئاگرەكەدان.
پاڵاوگەكە لەسەر رێگای سەرەكی هەولێر- گوێرە و تائێستا هۆكاری كەوتنەوەی ئاگرەكە و زەرەر و زیانەكانی نەزاندراون و لێكۆڵینەوە لە رووداوەكە دەستیپێكردووە.
