بەڕێوەبەری كشتوكاڵی سلێمانی رایدەگەیەنێت، ژمارەیەك لەو كەسانەی كەسانەی سوودمەندبوون لە وەرگرتنی قەرزی كشتوكاڵی تائێستا بڕیاری وەرگرتنەوەی قەرزەكەیان لەسەر جێبەجێنەكراوە و چاوەڕواندەكرێت تا كۆتایی ئەمساڵ دوا بڕیاربدرێت كە جارێكی وەرگرتنەوەی قەرزەكە دوابخرێت یاخود دەستبكرێت بە وەرگرتنەوەی قەرزەكە لەسوودمەندبووان.
شاڵاو جەمال بەڕێوەبەری كشتوكاڵی سلێمانی لە لێدوانێكدا بە تۆڕی میدیایی ئێستای راگەیاند، بەشێك لەو كەسانەی پێشتر لە وەرگرتنی قەرزی كشتوكاڵی سوودمەندبوون بۆ دروستكردن و بوونیادنانی پڕۆژەی كشتوكاڵی تائێستا بڕیاری وەرگرتنەوەی قەرزەكە بەهۆی دۆخی داراییەوە جێبەجێنەكراوە، چەند ساڵێكە وەرگرتنەوەی ئەو قەرزە لە سوودمەندبووان دوادەخرێت و تائێستا هیچ نووسراوێك لە حكومەتەوە ئاراستەمان نەكراوە كە بۆ ساڵی داهاتوو دەستدەكرێت بە وەرگرتنەوەی ئەو قەرزە یاخود جارێكی دیكە وەرگرتنەوەی قەرزەكە دوادەخرێت.
بەڕێوەبەری كشتوكاڵی سلێمانی جەختیشیكردەوە، ساڵانە بەر لە كۆتایی ساڵ بە نووسراوێك ئاگاداردەكرێنەوە كە وەرگرتنەوەی قەرزەكە دوادەخرێت و بۆ ئەمساڵ تا كۆتایی ساڵ بڕیاری كۆتایی لەبارەی ئەو قەرزە لە سوودمەندبووان دەدرێت.
