ئەمڕۆ بۆ رۆژی دووەم پڕۆسەی جیاكردنەوەی دەستیی دەنگەكانی دەنگدانی تایبەت بۆ هەڵبژاردنی ئەنجومەنی پارێزگاكانی عێراق بەردەوامە و دوای تەواوكردنی پڕۆسەی جیاكردنەوە و ژماردنی دەنگەكان دەخرێنە سەر فۆرمێكی تایبەت و رەوانەی بەغداد دەكرێن.
پڕۆسەی جیاكردنەوەی دەستیی دەنگەكانی دەنگدانی تایبەت لە كاتژمێر 8ی بەیانیی ئەمڕۆوە لە پارێزگاكانی سلێمانی، هەولێر، دهۆك و كەركوك دەستیپێكراوە و بڕیارە تا كاتژمێر 6ی ئێوارەی ئەمڕۆ بەردەوامبێت كە نوێنەری سەرجەم لایەنە سیاسییەكان ئامادەی پڕۆسەی جیاكردنەوە و ژماردنی دەنگەكانن.
هەر بە پێی زانیارییەكانی تۆڕی میدیایی ئێستا، یەكێتیی نیشتمانیی كوردستان لە دەنگدانی تایبەتیشدا زۆرترین دەنگی بەدەستهێناوە.
