بانکی ناوەندیی عێراق خشتەی فرۆشتنی دۆلاری بۆ ئەمڕۆ بڵاوکردەوە و زیاتر لە 215 ملیۆن دۆلاری خستووەتە بازاڕەوە.
بەپێی راگەیەندراوەکەی بانکی ناوەندی کە وێنەیەکی دەست تۆڕی میدیایی ئێستا کەوتووە، ئەمڕۆ بڕی 215 ملیۆن و 128 هەزار و 512 دۆلاری خستووەتە بازاڕەوە، لەو بڕەش 196 ملیۆن و 828 هەزار و 512 دۆلاریان بە شێوەی حەواڵەیە و 18 ملیۆن و 300 هەزار دۆلاریشی بە شێوەی نەختینە بووە.
کۆتا خستنەڕووی خشتەی فرۆشی دۆلار لەلایەن بانکی ناوەندیی عێراقەوە 17ی مانگ بوو کە تێیدا نزیکەی 222 ملیۆن دۆلاری خستبووە بازاڕەوە و لەو بڕەش 200 ملیۆن و 898 هەزار و 486 دۆلاریان بە شێوەی حەواڵە بووە و تەنها 21 ملیۆن دۆلاری بە شێوەی نەختینە فرۆشتووە.
