ئەمڕۆ لە دوو رووداوی هاتوچۆدا لە قەزای کەلار سێ کەس برینداربوون کە ماتۆڕسوار بوون.
بەڕێوەبەرایەتیی هاتوچۆی گەرمیان بڵاویکردەوە، “ئەمڕۆ لەترافیک لایتی نزیک بانکی کەلار رووداوێکی هاتوچۆ لەنێوان ماتۆڕسکیلێک و ئۆتۆمبێلێکی جۆری تۆیۆتا کراون روویدا و بەهۆیەوە لێخوڕی ماتۆڕسکیلەکە برینداربوو.
ئاماژەی بەوەشکرد، هەر ئەمڕۆ رووداوێکی دیکەی هاتوچۆ لەنزیک دادگای کەلار لەنێوان ئۆتۆمبێلێکی جۆری نیسان ئەڵتیما و ماتۆڕسکیلێکی دوو تایەی بچووک روویدا، بەهۆیەوە دوو کەس برینداربوون کە لێخوڕ و سەرنشینی ماتۆڕسکیلەکە بوون.
ئاماژەی بەوەشکرد، بریندارەکان گەیەندراونەتە نەخۆشخانەی شەهید هەژار و لێکۆڵینەوەکان دەستیانپێکردووە.
