وەزیری پەروەردەی هەرێم رایگەیاند، هەموو هەوڵێکیان بۆ ئەوەیە پرۆسەی خوێندن دەستپێبکاتەوە و خوێندنی ئەمساڵ نەفەوتێت.
ئالان حەمەسەعید وەزیری پەروەردەی هەرێم رایگەیاند، ئەوەی پێویست بێت لەسەر ئێمە لەڕووی تەکنیکییەوە ئامادەین بۆ دەستپێکردنەوەی خوێندن لە هەڵەبجە و گەرمیان و سلێمانی.
ئاماژەی بەوەشکرد، پێداگری لەسەر مافە یاسایی و دارایی و کارگێڕییەکانی تەواوی فەرمانبەرانی کوردستان و مامۆستایان دەکەینەوە، لەگەڵ حکومەتی عێراق و لایەنە پەیوەندیدارەکانیش بە بەردەوام لەسەر هێڵین و لە گفتوگۆدا بووین، بەڵام تا ئێستا هیچ ئەنجامێکی ئەوتۆیان نەبووە تا قسەی لەسەر بکرێت.
