سەرۆکی یەکێتیی نیشتمانیی کوردستان بەبۆنەی جەژنی رۆژووی ئێزدییەکان پەیامێکی بڵاوکردەوە و رایگەیاند، “جەژنی رۆژوو لە خوشك و برایانی ئێزدی پیرۆزبێت و هیوادارم ئەم جەژنە لە خۆشی و كامەرانیدا بەسەربەرن”.
بافڵ جەلال تاڵەبانی، سەرۆکی یەکێتیی نیشتمانیی کوردستان ئاماژەی بەوەکرد، “ئێزدییەكان بەشێكی گرنگ و كاریگەری كوردستانن و لەمێژووی خەباتی گەلەكەماندا رۆڵێكی دیار و بەرچاویان هەیە، یەكێتیی بەڕێزەوە لەو مێژووە دەڕوانێت و وەك هەمیشە پشتیوان دەبێت بۆ پاراستنی مافەكانتان”.
دەشڵێت، “لەم بۆنەیەدا جەخت لە هەنگاوی كرداری دەكەینەوە بۆ ئاوەدانكردنەوەی شەنگال و گەڕانەوەی ژیان بۆ ناوچەكە، ئێمەش پاڵپشت و پشتیوان دەبین”.
