راوێژكاری ئاسایشی نیشتمانیی ئەمریكا رایدەگەیەنێت، ئیسرائیل مافی وەڵامدانەوەی هێرشەكانی حەماسی هەیە و پێویستە كاری جددی بكات بۆ نەهێَشتنی هەڕەشەكانی حەماس.
جەیك سولەیڤان راوێژكاری ئاسایشی نیشتمانیی ئەمریكا لە كۆنگرەیەكی رۆژنامەوانیدا رایگەیاند، ئۆپەراسیۆنە سەربازییەكانی سوپای ئیسرائیل دژی حەماس چەند مانگێك بەردەوامدەبێت و پێویستە كاری جددی بكات بۆ نەهێشتنی هەڕەشەی حەماس و لەهەمانكاتدا پێویستە حەماس سزابدرێت تا جارێكی دیكە كاری لەو شێوەیە ئەنجامنەداتەوە.
راشیگەیاند، پێویستە سوپای ئیسرائیل لە كاتی هێرشەكانیدا جیاكاری بكات لە نێوان چەكدارانی حەماس و هاوڵاتییانی سڤیل و كاری لە پێشینەی ئێمەشە بارمتەكان ئازادبكرێن و بگەڕێنەوە شوێنی خۆیان.
