ئەمڕۆ بافڵ جەلال تاڵەبانی، سەرۆکی یەکێتیی نیشتمانیی کوردستان گەیشتە شاری کەرکوک.
سەردانەكەی سەرۆكی یەكێتی بۆ بەسەركردنەوەی هەڵمەتی بانگەشەی هەڵبژاردنی لیستی هاوپەیمانیی “كەركوك هێز و ئیرادەمانە” لە شارەكەدا كە ماوەی زیاتر لە 40 رۆژە تایبەت بە هەڵبژاردنی ئەنجومەنی پارێزگاكان دەستیپێكردووە.
یەكێتی لەگەڵ حزبی شیوعی بە هاوپەیمانیی “كەركوك هێز و ئیرادەمانە” بە ژمارە 142 بەشداری لە هەڵبژاردنی ئەنجومەنی پارێزگای كەركوكدا دەكەن.
بڕیارە دووشەممەی داهاتوو 18ی كانونی یەكەم هەڵبژاردنی ئەنجومەنی پارێزگاكان لەو شارە و پارێزگاكانی دیكەی عێراق جگە لە هەرێمی كوردستان بەڕێوەبچێت.
